سورۃ العلق جما ہوا خون

بِسۡمِ ٱللَّهِ ٱلرَّحۡمَـٰنِ ٱلرَّحِيمِ

1. 1ٱقۡرَأۡ بِٱسۡمِ رَبِّكَ ٱلَّذِی خَلَقَ

   (اے محمدﷺ) اپنے پروردگار کا نام لے کر پڑھو جس نے (عالم کو) پیدا کیا

2. 2خَلَقَ ٱلۡإِنسَـٰنَ مِنۡ عَلَقٍ

   جس نے انسان کو خون کی پھٹکی سے بنایا

3. 3ٱقۡرَأۡ وَرَبُّكَ ٱلۡأَكۡرَمُ

   پڑھو اور تمہارا پروردگار بڑا کریم ہے

4. 4ٱلَّذِی عَلَّمَ بِٱلۡقَلَمِ

   جس نے قلم کے ذریعے سے علم سکھایا

5. 5عَلَّمَ ٱلۡإِنسَـٰنَ مَا لَمۡ يَعۡلَمۡ

   اور انسان کو وہ باتیں سکھائیں جس کا اس کو علم نہ تھا

6. 6كَلَّاۤ إِنَّ ٱلۡإِنسَـٰنَ لَيَطۡغَىٰۤ

   مگر انسان سرکش ہو جاتا ہے

7. 7أَن رَّءَاهُ ٱسۡتَغۡنَىٰۤ

   جب کہ اپنے تیئں غنی دیکھتا ہے

8. 8إِنَّ إِلَىٰ رَبِّكَ ٱلرُّجۡعَىٰۤ

   کچھ شک نہیں کہ (اس کو) تمہارے پروردگار ہی کی طرف لوٹ کر جانا ہے

9. 9أَرَءَيۡتَ ٱلَّذِی يَنۡهَىٰ

   بھلا تم نے اس شخص کو دیکھا جو منع کرتا ہے

10. 10عَبۡدًا إِذَا صَلَّىٰۤ

    (یعنی) ایک بندے کو جب وہ نماز پڑھنے لگتا ہے

11. 11أَرَءَيۡتَ إِن كَانَ عَلَى ٱلۡهُدَىٰۤ

    بھلا دیکھو تو اگر یہ راہِ راست پر ہو

12. 12أَوۡ أَمَرَ بِٱلتَّقۡوَىٰۤ

    یا پرہیز گاری کا حکم کرے (تو منع کرنا کیسا)

13. 13أَرَءَيۡتَ إِن كَذَّبَ وَتَوَلَّىٰۤ

    اور دیکھو تو اگر اس نے دین حق کو جھٹلایا اور اس سے منہ موڑا (تو کیا ہوا)

14. 14أَلَمۡ يَعۡلَم بِأَنَّ ٱللَّهَ يَرَىٰ

    کیااس کو معلوم نہیں کہ خدا دیکھ رہا ہے

15. 15كَلَّا لَئِن لَّمۡ يَنتَهِ لَنَسۡفَعَۢا بِٱلنَّاصِيَةِ

    دیکھو اگر وہ باز نہ آئے گا تو ہم (اس کی) پیشانی کے بال پکڑ گھسیٹیں گے

16. 16نَاصِيَةࣲ كَـٰذِبَةٍ خَاطِئَةࣲ

    یعنی اس جھوٹے خطاکار کی پیشانی کے بال

17. 17فَلۡيَدۡعُ نَادِيَهُۥ

    تو وہ اپنے یاروں کی مجلس کو بلالے

18. 18سَنَدۡعُ ٱلزَّبَانِيَةَ

    ہم بھی اپنے موکلانِ دوزخ کو بلا لیں گے

19. 19كَلَّا لَا تُطِعۡهُ وَٱسۡجُدۡ وَٱقۡتَرِب۩

    دیکھو اس کا کہا نہ ماننا اور قربِ (خدا) حاصل کرتے رہنا