سورۃ عبس تیوری چڑہائی

بِسۡمِ ٱللَّهِ ٱلرَّحۡمَـٰنِ ٱلرَّحِيمِ

1. 1عَبَسَ وَتَوَلَّىٰۤ

   (محمد مصطفٰےﷺ) ترش رُو ہوئے اور منہ پھیر بیٹھے

2. 2أَن جَاۤءَهُ ٱلۡأَعۡمَىٰ

   کہ ان کے پاس ایک نابینا آیا

3. 3وَمَا يُدۡرِيكَ لَعَلَّهُۥ يَزَّكَّىٰۤ

   اور تم کو کیا خبر شاید وہ پاکیزگی حاصل کرتا

4. 4أَوۡ يَذَّكَّرُ فَتَنفَعَهُ ٱلذِّكۡرَىٰۤ

   یا سوچتا تو سمجھانا اسے فائدہ دیتا

5. 5أَمَّا مَنِ ٱسۡتَغۡنَىٰ

   جو پروا نہیں کرتا

6. 6فَأَنتَ لَهُۥ تَصَدَّىٰ

   اس کی طرف تو تم توجہ کرتے ہو

7. 7وَمَا عَلَيۡكَ أَلَّا يَزَّكَّىٰ

   حالانکہ اگر وہ نہ سنورے تو تم پر کچھ (الزام) نہیں

8. 8وَأَمَّا مَن جَاۤءَكَ يَسۡعَىٰ

   اور جو تمہارے پاس دوڑتا ہوا آیا

9. 9وَهُوَ يَخۡشَىٰ

   اور (خدا سے) ڈرتا ہے

10. 10فَأَنتَ عَنۡهُ تَلَهَّىٰ

    اس سے تم بےرخی کرتے ہو

11. 11كَلَّاۤ إِنَّهَا تَذۡكِرَةࣱ

    دیکھو یہ (قرآن) نصیحت ہے

12. 12فَمَن شَاۤءَ ذَكَرَهُۥ

    پس جو چاہے اسے یاد رکھے

13. 13فِی صُحُفࣲ مُّكَرَّمَةࣲ

    قابل ادب ورقوں میں (لکھا ہوا)

14. 14مَّرۡفُوعَةࣲ مُّطَهَّرَةِۭ

    جو بلند مقام پر رکھے ہوئے (اور) پاک ہیں

15. 15بِأَيۡدِی سَفَرَةࣲ

    لکھنے والوں کے ہاتھوں میں

16. 16كِرَامِۭ بَرَرَةࣲ

    جو سردار اور نیکو کار ہیں

17. 17قُتِلَ ٱلۡإِنسَـٰنُ مَاۤ أَكۡفَرَهُۥ

    انسان ہلاک ہو جائے کیسا ناشکرا ہے

18. 18مِنۡ أَیِّ شَیۡءٍ خَلَقَهُۥ

    اُسے (خدا نے) کس چیز سے بنایا؟

19. 19مِن نُّطۡفَةٍ خَلَقَهُۥ فَقَدَّرَهُۥ

    نطفے سے بنایا پھر اس کا اندازہ مقرر کیا

20. 20ثُمَّ ٱلسَّبِيلَ يَسَّرَهُۥ

    پھر اس کے لیے رستہ آسان کر دیا

21. 21ثُمَّ أَمَاتَهُۥ فَأَقۡبَرَهُۥ

    پھر اس کو موت دی پھر قبر میں دفن کرایا

22. 22ثُمَّ إِذَا شَاۤءَ أَنشَرَهُۥ

    پھر جب چاہے گا اسے اٹھا کھڑا کرے گا

23. 23كَلَّا لَمَّا يَقۡضِ مَاۤ أَمَرَهُۥ

    کچھ شک نہیں کہ خدا نے اسے جو حکم دیا اس نے اس پر عمل نہ کیا

24. 24فَلۡيَنظُرِ ٱلۡإِنسَـٰنُ إِلَىٰ طَعَامِهِۦۤ

    تو انسان کو چاہیئے کہ اپنے کھانے کی طرف نظر کرے

25. 25أَنَّا صَبَبۡنَا ٱلۡمَاۤءَ صَبࣰّا

    بے شک ہم ہی نے پانی برسایا

26. 26ثُمَّ شَقَقۡنَا ٱلۡأَرۡضَ شَقࣰّا

    پھر ہم ہی نے زمین کو چیرا پھاڑا

27. 27فَأَنۢبَتۡنَا فِيهَا حَبࣰّا

    پھر ہم ہی نے اس میں اناج اگایا

28. 28وَعِنَبࣰا وَقَضۡبࣰا

    اور انگور اور ترکاری

29. 29وَزَيۡتُونࣰا وَنَخۡلࣰا

    اور زیتون اور کھجوریں

30. 30وَحَدَاۤئِقَ غُلۡبࣰا

    اور گھنے گھنے باغ

31. 31وَفَـٰكِهَةࣰ وَأَبࣰّا

    اور میوے اور چارا

32. 32مَّتَـٰعࣰا لَّكُمۡ وَلِأَنۡعَـٰمِكُمۡ

    (یہ سب کچھ) تمہارے اور تمہارے چارپایوں کے لیے بنایا

33. 33فَإِذَا جَاۤءَتِ ٱلصَّاۤخَّةُ

    تو جب (قیامت کا) غل مچے گا

34. 34يَوۡمَ يَفِرُّ ٱلۡمَرۡءُ مِنۡ أَخِيهِ

    اس دن آدمی اپنے بھائی سے دور بھاگے گا

35. 35وَأُمِّهِۦ وَأَبِيهِ

    اور اپنی ماں اور اپنے باپ سے

36. 36وَصَـٰحِبَتِهِۦ وَبَنِيهِ

    اور اپنی بیوی اور اپنے بیٹے سے

37. 37لِكُلِّ ٱمۡرِىࣲٕ مِّنۡهُمۡ يَوۡمَئِذࣲ شَأۡنࣱ يُغۡنِيهِ

    ہر شخص اس روز ایک فکر میں ہو گا جو اسے (مصروفیت کے لیے) بس کرے گا

38. 38وُجُوهࣱ يَوۡمَئِذࣲ مُّسۡفِرَةࣱ

    اور کتنے منہ اس روز چمک رہے ہوں گے

39. 39ضَاحِكَةࣱ مُّسۡتَبۡشِرَةࣱ

    خنداں و شاداں (یہ مومنان نیکو کار ہیں)

40. 40وَوُجُوهࣱ يَوۡمَئِذٍ عَلَيۡهَا غَبَرَةࣱ

    اور کتنے منہ ہوں گے جن پر گرد پڑ رہی ہو گی

41. 41تَرۡهَقُهَا قَتَرَةٌ

    (اور) سیاہی چڑھ رہی ہو گی

42. 42أُوْلَـٰۤئِكَ هُمُ ٱلۡكَفَرَةُ ٱلۡفَجَرَةُ

    یہ کفار بدکردار ہیں